इनार खन्ने क्रममा निसास्सिएर दुई जनाको मृत्यु
१९ वैशाख २०८१ २०:५७
फाइल तस्बिर ।
चाँगुनारायण नगरपालिका-४ खनालचोक सेतोमाइक्रो पार्क नजिकै इनार खन्ने क्रममा निसास्सिएर आज दुईजनाको मृत्यु भएको छ ।
भाडाको जग्गा टहरो हालेर बस्दै आएका रामेछाप उमाकुण्ड गाउँपालिका-४ प्रीति घर भएका २८ वर्षीय सन्देश सुनुवार र सुनुवार कै काका ४६ वर्षीय दीपक सुनुवारको मृत्यु भएको जिल्ला प्रहरी परिसर भक्तपुरका राजन कार्कीले जानकारी दिए।
घटनाको सम्बन्धमा थप अनुसन्धान कार्य भइरहेको र शव परीक्षणका लागि भक्तपुर अस्पतालमा राखिएको उनले जानकारी दिए ।
प्रतिक्रिया