मोटरसाइकल दुर्घटनामा झापामा ३ जनाको मृत्यु
१२ वैशाख २०८१ १३:१७
झापामा मोटरसाइकल दुर्घटनामा तीन जनाको मृत्यु भएको छ । आज बिहान ५ बजे झापाको शिवसताक्षी–८ झिलझिलेमा मे ३ प ५००१ नम्बरको मोटरसाइकल प्र.१–०१–००१ च ९३२९ नम्बरको जीपसँग ठोक्किएको हो ।
मृत्यु हुनेमा झापाको कमल गाउँपालिका–४ का २५ वर्षीय मौसम राई, २० वर्षीय युनिक भण्डारी र १७ वर्षीय सरोज रेग्मी छन् । गम्भीर घाइते भएका उनीहरुलाई बिएन्डसी मेडिकल कलेज लगिएकोमा उपचारका क्रममा मृत्यु भएको जिल्ला प्रहरी कार्यालय झापाका सूचना अधिकारी डिएसपी कृष्णकुमार चन्दले बताए ।
जिपका चालकलाई प्रहरीले नियन्त्रणमा लिएको छ ।
प्रतिक्रिया