सभामुखबाट त्रुटी भएकाले संसद बैठक चल्न सकेन : सांसद यादव

उनले भने,‘लोकतन्त्रमा जनताले प्रश्न गर्न पाउनुपर्छ र प्रश्न उठिसकेपछि त्यसको जवाफ दिनुपर्छ । लोकतन्त्रमा जबाफदेहिता नै सबैभन्दा ठुलो विषय हो । अहिले संसदमा जुन परिदृश्य देखापर्यो, सभामुखले यो परिस्थितिलाई मुकाविला गर्नका लागि सर्वपक्षिय, सर्वदलीय सहमतिको वातावरण बनाउनुपथ्र्यो । प्रमुख प्रतिपक्षले संसदमा कुरा राखिसकेपछि उहाँले अरूलाई बिचमा बोल्ने अवसर दिनु हुँदैन थियो जस्तो मलाई लाग्छ । उहाँले अर्कोलाई पनि समय दिनुभयो । एकप्रकारको टसल भयो । संसदमा विपक्षीको कुरा सुन्ने, वातावरण बनाउने भन्ने हुन्छ । यहाँ त साढे जुधाई भयो । यसले संसद्को गरिमालाई घटाउँछ । जनतामा जुन प्रकारको निराशा, आक्रोश छ दलहरू प्रति झन् यसले अविश्वासको वातावरण बनाउँछ । यसमा सदनको नेता सभामुख हो । उहाँ यसप्रति गम्भीर हुनुपर्छ । आज उहाँबाट कहीँ न कहीँ त्रुटि भएको देखिन्छ । उहाँले अधिकतम दलहरूका बीचमा सहमति गराउने प्रयास गर्नुपर्छ ।’