राजनीतिक स्थिरताका लागि प्रत्यक्ष निर्वाचित प्रतिनिधि सभाको व्यवस्था गरौँ : सांसद खतिवडा
२० चैत २०८० १८:५८
नेपाली कांग्रेसका सांसद रामहरी खतिवडाले राजनीतिक स्थिरताका लागि समानुपातिक प्रणाली हटाएर प्रत्यक्ष निर्वाचित प्रतिनिधि सभाको व्यवस्था गर्नुपर्ने बताएका छन् ।
मंगलवार प्रतिनिधि सभाको बैठकपछि सञ्चारकर्मीसँग कुराकानी गर्दै सांसद खतिवडाले राजनीतिक स्थिरताका लागि प्रत्यक्ष निर्वाचित प्रतिनिधि सभा हुनुपर्ने बताएका हुन् ।
देशमा समानुपातिक निर्वाचन प्रणाली भएसम्म कुनै राजनीतिक दलको बहुमत नआउने र सरकार समेत अस्थिर हुने गरेको उनको भनाई छ ।खतिवडाले २४० वटा निर्वाचन क्षेत्र मात्रै राखेर प्रत्यक्ष निर्वाचित सांसद मात्रै बनाउनुपर्ने बताए । बरु सोही निर्वाचन क्षेत्रभित्र महिला र दलित लगायतको लागि कोटा छट्याउन सकिने उनले बताए ।
साथै, खतिवडाले प्रदेशमा पनि समानुपातिक राख्नु नहुने र राष्ट्रिय सभा भने समानुपातिक बनाउनुपर्ने बताए ।प्रत्यक्ष निर्वाचित प्रतिनिधि सभा हुँदा कुनै एक राजनीतिक दलको बहुमत आउन सक्ने र स्थिर सरकार बनाउन सकिने खतिवडाको भनाई छ ।
सम्बन्धित समाचार
प्रतिक्रिया