वसन्तपुरमा ठड्याइयो चीर, होली पर्व सुरु

वसन्तपुरमा होलीको चीर ठड्याइएको छ । वसन्तपुरस्थित गद्दी बैठकको दक्षिणतर्फ आज बिहान ७ बजेर ४५ मिनेटको शुभ साइतमा बाजागाजासहित रङ्गीचङ्गी ध्वजापताकाले सिँगारिएको तीन छत्रे होलीको चीर ठड्याइएको हो ।

होलीको चीर ठड्याइएसँगै आजदेखि देशभर विधिवत् रूपमा होली अर्थात फागु पर्व सुरुआत भएको छ । होलिकाको दहन र  कृष्ण लीलासँग सम्बन्धित यो पर्व आइतबारबाट विधिवत् सुरु भएको वसन्तपुरस्‍थित तलेजु मन्दिरका पुजारी उद्धव कर्माचार्यले जानकारी दिए ।