जसपाबाट आज तीन मन्त्रीको शपथ, उपेन्द्र फेरि स्वास्थ्यमन्त्री

उपप्रधानमन्त्री सहित गतिलो मन्त्रालय पाउने आशामा रहेका जनता समाजवादी पार्टीका अध्यक्ष उपेन्द्र यादव स्वास्थ्यमै चित्त बुझाएर सरकारमा सहभागि हुँदैछन् ।

उनीसहित नवलकिशोर साह मन्त्री तथा दीपक कार्कीलाई राज्यमन्त्रीमा आजै शपथ गराउने सरकारको तयारी छ ।

प्रधानमन्त्री पुष्पकमल दाहालले आइतबार मन्त्रीपरिषद्सहित ३० फागुनमा विश्वासको मत लिदैंछन् । उनले जसपालाई सरकारमा प्रतिनिधित्व गराउँदै छन्।

अध्यक्ष यादव उपप्रधान तथा स्वास्थ्य तथा जनसंख्या मन्त्री बन्न लागेका हुन। नवलकिशोरलाई वन तथा वातावरण मन्त्री बनाइदैछ। कार्की भने स्वास्थ्य राज्यमन्त्री बन्दै छन्।