रास्वपा प्रश्न मात्रै होइन, समाधान खोज्न सरकारमा आएको होः सन्तोष परियार
२४ फागुन २०८० १५:४२
राष्ट्रिय स्वतन्त्र पार्टीका प्रमुख सचेतक सन्तोष परियारले बिग्रेको राजनीतिक परिस्थितिलाई राष्ट्रिय स्वतन्त्र पार्टीले हस्तक्षेप गरेर नयाँ गठबन्धन बनेको बताएका छन् ।
बिहीबार प्रतिनिधि सभा बैठकमा बोल्दै प्रमुख सचेतक परियारले बिग्रिएको राजनीतिक परिस्थितिलाई पार्टी सभापति रवि लामिछानेको पहलमा हस्तक्षेप गरिएको बताए । रास्वपाले नयाँ गठबन्धन बनाउन मुख्य भूमिका खेलेको दाबी गरे ।
पुराना पार्टीहरुले सदनमा प्रतिस्पर्धा र निर्वाचनमा सहकार्य गर्ने गरेका भन्दै आगामी दिनमा निर्वाचनमा प्रतिष्पर्धा र सदनमा सहकार्य गर्नुपर्ने बताए । उनले इलाम २ मा हुने उपनिर्वाचनमा राष्ट्रिय स्वतन्त्र पार्टी एक्लै चुनावमा होमिने र जित्ने दाबी पनि गरे ।
उनले आफूहरु प्रश्न गर्ने मात्रै नभई समस्याको समाधान गर्न पनि सरकारमा सामेल भएको बताए । विगतमा नेपाल बनाउन सुरु नै नगरिएको जिकिर गर्दै उनले अब नेपाल बनाउने काम सुरु हुने बताए ।
प्रतिक्रिया