स्रोत नखुलेको नगद १४ लाखसहित एक जना पक्राउ

स्रोत नखुलेको नगद १४ लाख १० हजार सहित प्रहरीले एक जनालाई पक्राउ गरेको छ । पक्राउ पर्नेमा सर्लाही लालबन्दी नगरपालिका १४ बस्ने वर्ष ४६ का धन बहादुर पाख्रिन रहेका छन् ।

बिहिवार लालबन्दी नगरपालिका १४ स्थित लखन्देही खोलामा प्रहरी चौकी पथ्थरकोट बाट खटिएको गस्ती टोलीले प्र.२–०३–०११ प ८३५७ नम्बरको २२० सि.सि. को पल्सर मोटरसाइकलमा शंका लागि चेकजाँच गर्दा पाख्रिनले पछाडी बोकेको कालो झोलामा स्रोत नखुलेको उक्त नगद रकम भेटिएको जिल्ला प्रहरी कार्यालय सर्लाहीका प्रहरी नायव उपरिक्षक तथा सुचना अधिकारी दिपेन्द्र पंजियार थारुले जानकारी दिए ।

नगद रकम सहित मोटरसाइकल र पाख्रिनलाई नियन्त्रणमा लिइ आवश्यक अनुसन्धान भइरहेको प्रहरीले जनाएको छ ।