संसदमै पर्यटनमन्त्री किरातीलाई १८ करोड कमिसनको आरोप
१३ फागुन २०८० १३:०७
नेपाली काँग्रेसका सांसद रामहरि खतिवडाले संसदमै संस्कृति, पर्यटन तथा नागरिक उड्डयनमन्त्री सुदन किराँतीले जहाज खरिदमा १८ करोड रुपैयाँ कमिसन खान लागेको आरोप लगाएका छन् । उनले मन्त्री किराती सस्तो लोकप्रियताका लागि काम गरिरहेको दाबी समेत गरे । ।
प्रतिनिधि सभाको आईतवारको बैठकमा बोल्दै सांसद खतिवडाले थ्रि हन्ड्रेड जी जहाज किनेर १८ करोड रुपैयाँ कमिसन खाने काममा किराती लागेको आरोप लगाए । उनले पर्यटनमन्त्रीले नेपाल एयरलाइन्सलाई के गर्न खोज्नुभएको हो? भन्दै प्रश्न समेत गरे ।
उनले जहाज किन्न नसक्ने अवस्था रहेको बेलामा जहाज किन्नु कति जायज भएको प्रश्न सोध्दै उत्पादन नै बन्द भइसकेका जहाज ल्याएर नेपाल एयरलाइन्सलाई कहाँ पु¥याउन खोजिएको भन्ने बारेमा सरकारले गम्भीर ध्यान दिन आवश्यक रहेको बताए ।
आफ्नो मन्त्रालयको कार्यकक्ष सफा गर्न क्यामेरा लिएर जाने र भिडियो हालिदिएपछि सबैभन्दा क्रान्तिकारी र राम्रो मन्त्री हुने हो भने देश विकास कसरी हुनसक्छ ? उनले संसदमा सोधे ।
सांसद खतिवडाले सरकारले सुशासनको नाममा ल्यारक्याल लामा जस्ता व्यक्तिलाई लुम्बिनी विकास कोषमा नियुक्ति गरेको बताए। उनले शान्तिका दुतको क्षेत्रमा लकरमा गोली राख्ने मानिसहरुलाई नियुक्ति गर्नु लज्जाजनक रहेको बताए ।
सम्बन्धित समाचार
प्रतिक्रिया