नेकपा एमाले कैलालीकाे अध्यक्षमा ढुंगाना विजयी
१२ फागुन २०८० ९:३९
नेकपा एमाले कैलालीको अध्यक्षमा यज्ञराज ढंगाना निर्वाचित भएका छन्।
पूर्व प्रदेश सचिवालय सदस्य समेत रहेका ढुंगाना मुख्य प्रतिद्वन्द्वी वर्तमान कार्यसमितिका कार्यबाहक अध्यक्ष दुर्गा प्रसाद जोशी र सचिव डेजी पाण्डेलाई हराएर अध्यक्ष निर्वाचित भएका हुन्।
शनिबार बिहान सम्पन्न मतगणनाअनुसार ढुंगानाले दुई सय ८७ मत प्राप्त गर्दा पाण्डेले दुई सय १८ मत ल्याए। अध्यक्षका प्रतिद्वन्द्वी दुर्गाप्रसाद जाेशीले ६३ मत मात्र पाए। उनी हालका कार्यवाहक अध्यक्षसमेत हुन्। अध्यक्षमा तीन जनाले प्यानलसहित उम्मेदवारी दिएका थिए।
उपाध्यक्षमा डेजी पाण्डे प्यानलका लोकेन्द्रबहादुर शाही पाँच मतले विजयी भएका छन्। उनले एक सय ९३ मत पाउँदा प्रतिद्वन्द्वी दलबहादुर बिष्टले एक सय ८८ मत पाए।
उपाध्यक्षका उम्मेदवार विष्णु चौधरीले एक सय ६ मत, मदनराज ओझाले ३३ मत र गजेन्द्र स्वारले २७ मत ल्याएका छन् ।
प्रतिक्रिया