७ करोड ७७ लाख बढी रकम ठगेको आरोपमा ४ जना पक्राउ

७ करोड ७७ लाख बढी रकम ठगेको आरोपमा प्रहरीले चार जनालाई पक्राउ गरेको छ।

पक्राउ पर्नेमा काभ्रेका ३३ वर्षीय कुमार थापा, स्याङ्जाका ४२ वर्षीय मिना दमै, सिन्धुलीका ४३ वर्षीय रविनकुमार थापा र सप्तरीका ३९ वर्षीय दिलीपकुमार लाभ छन्।

उनीहरूलाई ७ करोड ७७ लाख ५९ हजार रुपैयाँ ठगेको आरोपमा पक्राउ गरिएको काठमाडौं उपत्यका अपराध अनुसन्धान कार्यालयले जनाएको छ।

उनीहरूले ठगी गर्न विभिन्न बहाना बनाएर मानिसहरूको विश्वास जित्ने गरेको पाइएको छ।