सरकारले सुशासनको पक्षमा गरेको कामलाई राजनीतिक रङ नदिउ : सांसद शर्मा

नेकपा(माओवादी केन्द्र)का सांसद जनार्दन शर्माले सुशासन, समृद्धि र सामाजिक न्यायको पक्षमा सरकारले गरेको कामलाई राजनीतिक रङ दिनु नहुने बताएका छन्।

बुधवार प्रतिनिधि सभा बैठकमा बोल्दै सांसद शर्माले सरकारले सुशासन, समृद्धि र समाजिक न्यायको पक्षमा पहलकदमी बढाएको बताएका हुन्। उनले सरकारको यस पहलकदमीका लागि संसदको खबरदारी र सहयोग आवश्यक रहेको पनि बताए।

उनले भने, ‘अहिले सरकारले सुशासन, समृद्धि र सामाजिक न्यायको पक्षमा जुन पहल अगाडी बढाइरहेको छ। त्यो पहललाई तिब्र बनाउनका लागि यस संसदको खबरदारी, यस संसदको सहयोग र साथ आवश्यक भएको मैले ठानेको । यसलाई हामीले कुनै राजनीतिक रङ दिएर होइन। सुशासनको, भ्रष्टाचारको राजनीतिक रङ नभएर सुशासन स्थापना गर्नका लागि हामी सबैले आ–आफ्नो ठाउँबाट मद्दत पुर्याउन जरुरी छ भन्ने मलाई लाग्छ। प्रधानमन्त्रीले आत्मसमिक्षासहित नयाँ ढंगले काम गर्ने घोषणा गर्नुभएको छ, ति घोषित नीतिहरु कार्यान्वयनका लागि समग्र राज्यसंयन्त्रको, संरचनाको, नेतृत्वको, हामी सबैको कार्यशैलीमा परिवर्तनको आवश्यकता छ। इमान्दारिताको आवश्यकता छ।’