
परराष्ट्रमन्त्री साउद र बेलायतका सेना प्रमुखबीच भेट, भूतपूर्व गोर्खा सैनिकका मागबारे छलफल


नेपाल भ्रमणमा रहेका बेलायती सेनाप्रमुख जनरल सरपेट्रिक सन्डर्सले मंगलबार परराष्ट्रमन्त्री एनपी साउदसँग शिष्टाचार भेट गरेका छन्। भेटमा दुई शताब्दीभन्दा लामो नेपाल बेलायत सम्बन्धबारे चर्चा भएको छ।
गोर्खाहरूले बेलायती सेनामा पुर्याएको उच्च योगदानको चर्चा गर्दै मन्त्री साउदले १९९७ भन्दा अगाडि रिटायर भएका भूतपूर्व गोर्खाहरूले उठाएका समान पेन्सनलगायत विषयलाई सम्बोधन गर्नुपर्नेमा जोड दिए।
भूतपूर्व गोर्खाका मागलाई सम्बोधन गर्दैमा बेलायतलाई खासै आर्थिक भार नपर्ने तर यसबाट गौर्खाहरूलाई न्याय मिल्ने हुनाले यसको शीघ्र सम्बोधन गरिदिन सेनाप्रमुखसँग उनले अनुरोध गरे।
सेनाप्रमुखले बेलायतले पनि गोर्खाका विषयमा समाधान चाहेको बताए। साथै गोर्खाको मागलाई बेलायतले गम्भीरताका साथ लिएको बताए।
- परराष्ट्रमन्त्रीद्वारा युक्रेनका विदेशमन्त्रीसँग वार्ता, युक्रेनी सेनाको कब्जामा रहेका ७ नेपालीलाई मुक्त गर्न माग
- पश्चिमा देशहरूले फरक-फरक किसिमको व्यवहार गर्दा विश्वको शान्ति खल्बलियो : विश्व नेताहरू
- सुन तस्करीमा पाँच वर्ष जेल बसेका लामा २५ करोडसहित फेरी समातिए
- मोरङमा आगलागी परी दुई बालबालिकाको मृत्यु, ८ घर नष्ट
प्रतिक्रिया