लागूऔषधसहित देशभरबाट ८ जना पक्राउ
१४ माघ २०८० १३:१३
फाइल तस्बिर।
लागूऔषधसहित देशभरबाट ८ जना पक्राउ परेका छन्। आइतबार प्रहरीले देशभरका विभिन्न स्थानहरूबाट ८ जनालाई पक्राउ गरेको हो।
पक्राउ पर्नेमा बारा सुर्वण गाउँपालिका-७ सनफुलुवाका ४१ वर्षीय उमेश कुमार यादव, मोरङ बिराटनगर महानगरपालिका-१२ का २३ वर्षीय शौरभ सोनीलाई शनिबार दिउँसो प्रहरीले पक्राउ गरेको जनाएको छ।
यस्तै, बर्दिया बाँसगढी नगरपालिका-९ का २४ वर्षीय अम्मर बहादुर चनारा, मकवानपुर हेटौंडा उपमहानगरपालिका-१९ का २७ वर्षीय बिस्सुराज लामा, सिरहा, धनगढीमाई नगरपालिका-१३ का ४८ वर्षीय राम सुफल महतोलाई प्रहरीले शनिबार पक्राउ गरेको हो।
त्यस्तै, बाँके कोहलपुर नगरपालिका-१३ का २८ वर्षीय बिकल्प पुन मगर र २२ वर्षीय सुरेश नाथ योगी, झापा दमक नगरपालिका-९ का २६ वर्षीय पासाङ तामाङलाई पनि पक्राउ गरेको प्रहरीले बताएको छ।
उनीहरूको साथबाट अवैध लागूऔषधहरू बरामद पनि गरिएको छ।
प्रतिक्रिया