रुपन्देही प्रहरीको ‘क्लिन स्वीप अपरेशन’ : कारसहित एकजना पक्राउ

जिल्ला प्रहरी कार्यालय रुपन्देहीले कारसहित एक जनालाई पक्राउ गरेको छ । रुपन्देही सियारी गाउँपालिका वडा नं. ७ भरथापुर बस्ने बर्ष २८ का सनिदेवल मल्लाहलाई कारसहित प्रहरीले पक्राउ गरेको हो । मल्लाहले ग्रान्ड आई टेन कारमा फरक नम्बर प्लेट प्रयोग गरी चलाएकोे विशेष सूचनाको आधारमा कारसहित उनलाई नियन्त्रणमा लिइएको प्रहरीले जनाएको छ ।

प्रहरीको ‘क्लिन स्वीप अपरेशन’ अभियान अन्तर्गत पक्राउ परेका उनीमाथि थप अनुसन्धान भइरहेको प्रहरीले जनाएको छ । कोही कसैको चोरीका सवारी साधन घर वा अन्य स्थानमा लुकाई छिपाई राखेको, प्रयोग गरीरहेको छ भन्ने जानकारी पाउना साथ मानिस तथा सवारी साधन नियन्त्रणमा लिने अभियान जिल्ला प्रहरी कार्यालय रुपन्देहीले तिव्रता दिदै आईरहेको जनाएको छ ।