ललितपुरका यी स्थानमा आज विद्युत् सेवा अवरुद्ध हुने

ललितपुरका विभिन्न क्षेत्रमा शुक्रबार विद्युत् सेवा अवरुद्ध हुने भएको छ । नेपाल विद्युत् प्राधिकरण सूचना जारी गर्दै शुक्रबार बिहान १० देखि दिउँसो ४ बजेसम्म ललितपुरका विभिन्न स्थानमा विद्युत् सेवा अवरुद्ध हुने जानकारी दिएको हो ।

प्राधिकरण अनुसार चापागाउँ फिडर पाटनले चिबहाल गेटदेखि सीमाको चोकसम्म चापागाउँ फिडरको लाइनमा कम्पोजिट फिडर तान्ने कार्य गर्नुपर्ने भएकाले विद्युत् सेवा बन्द हुनेछ ।

विद्युत् सेवा गोदावरी नगरपालिकाको वडा नम्बर ११, १२ १३, ५ र ६ लेले, टिकाभैरव, नल्लु चापागाउँ, टाखेल, ठेँचो, झरुवारासी लगायतका स्थानहरूमा अवरुद्ध हुने प्राधिकरणले जनाएको छ ।