त्रिशूली नदीमा ‘गाडी खसेको’ खबर, गोताखोरको टोली गाडी खोज्दै

त्रिशूली नदीमा ‘गाडी खसेको’ सूचना, प्राप्त भएको छ ।

नारायणगढ–मुग्लिन सडकखण्ड अन्तर्गत चितवनको इच्छाकामना गाउँपालिका– ५ को तीन नम्बर पुल नजिकबाट त्रिशूली नदीमा ‘गाडी खसेको’ सूचना पाएपछि गोताखोरको टोली परिचालन गरिएको छ ।

मुग्लिन प्रहरीका अनुसार आज बिहान सवा चार बजे स्थानीयले त्रिशूली नदीमा गाडी खसेको भनेर खबर गरेका थिए । खबर पाए लग्तै टाेली त्याँहा पुगेर खाेजीकार्य गरिरहेकाे छ ।अहिले गोताखोरको टोली डुंगा लिएर त्रिशूली नदीमा प्रवेश गरेर खोजिरहेको छ ।

तर उक्त गाडी कहाँबाट कहाँ जाँदै थियो, कस्तो प्रकारको गाडी हो भन्ने केही खुलेको छैन ।