जनकपुरमा गाडी चोरी निकासीमा संलग्न गिरोह पक्राउ
२९ पुष २०८० २०:०२
जनकपुरमा गाडी चोरी निकासीमा संलग्न गिरोहलाई प्रहरीले पक्राउ गरेको छ ।
जिल्ला प्रहरी कार्यालय धनुषाले भन्सार छलेर ल्याएका चारवटा गाडीसहित चोरी निकासीमा संलग्न जनकपुर जलेश्वरका मोख्तार अन्सारी र महोत्तरी लोहरपट्टीका जमजम भनिने अन्सारूल कवारीलाई आइतवार पक्राउ गरी सार्वजनिक गरेको हो ।
चोरी निकासी कार्यमा संलग्न अर्का एक जनाको भने खोजी भइरहेको पनि प्रहरी वरिष्ठ उपरीक्षक मित्रबन्धु शर्माले बताए ।
मोख्तारले भारतबाट गाडी चोरी निकासी गर्ने गरेको र अर्का जमजम भनिने कबाडीले नेपालमा सो गाडी बेच्ने गरेको प्रारम्भिक अनुसन्धानमा खुलेको प्रहरीले जनाएको छ ।
प्रहरीका अनुसार पक्राउ परेका अभियुक्तमाथि आवश्यक कानुनी कारबाही सुरू गरिएको छ ।
प्रतिक्रिया