भ्रष्टाचार नियन्त्रण तथा सुशासन प्रवर्द्धन सम्वन्धी अख्तियारले सुरु गर्यो प्रदेशस्तरीय अन्तरक्रिया

भ्रष्टाचार नियन्त्रण तथा सुशासन प्रवर्द्धन सम्वन्धी अख्तियार दुरुपयोग अनुसन्धान आयोगले प्रदेशस्तरीय अन्तरक्रिया कार्यक्रम सम्पन्न गरेको छ । सोमबार आयोगले कोशी प्रदेशमा अन्तरक्रिया गरेको छ ।

कार्यक्रममा कोशी प्रदेशका निमित्त प्रमुख सचिव इश्वर कुमार गिरीले सुशासन प्रवर्द्धन एवम् भ्रष्टाचार नियन्त्रणका लागि कर्मचारीले प्रचलित नियम कानूनको परिधि भित्र रहेर कार्यसम्पादन गर्नुपर्ने बिषयलाई जोड दिए ।

त्यसैगरि कार्यक्रममा कोशी प्रदेशका माननीय मूख्यमन्त्री केदार कार्कीले अख्तियार दुरुपयोग अनुसन्धान आयोग हामी सबैको सहयोगी निकाय भएको, संविधानले नै परिकल्पना गरेको भ्रष्टाचार नियन्त्रण एवम् सन्तुलन कायम गर्ने संवैधानिक निकाय भएको हुँदा सबैको हातेमालोबाट मात्रै सुशासन कायम गर्न र भ्रष्टाचार नियन्त्रण गर्न सकिने धारणा राखे ।

उक्त कार्यक्रममा अख्तियार दुरुपयोग अनुसन्धान आयोगका माननीय आयुक्त डा. सुमित्रा श्रेष्ठ अमात्यले जनताबाट उठेको करलाई सबैले सदुपयोग गर्नुपर्ने बताइन् । उनले कानून बमोजिम प्रदत्त जिम्मेवारी सबैले पूर्ण रूपमा पालना गरेमा मात्र भ्रष्टाचार नियन्त्रण गर्दै सुशासन कायम गर्न सकिने भएकोले आ–आफ्नो पदीय जिम्मेवारीमा सबै गम्भीर बन्नुपर्ने बताइन ।

कार्यक्रममा कोशी प्रदेशका माननीय भौतिक पूर्वाधार मन्त्री कमल प्रसाद जगेबू, कोशी प्रदेशका विभिन्न स्थानीय तहका प्रमुख÷उपप्रमुखहरु, प्रदेश सचिवहरु र संघिय तथा प्रादेशिक कार्यालयका प्रमुखहरु लगायतको उपस्थिति रहेको थियो ।