नापी कार्यालय नवलपरासीका अमिन घुससहित पक्राउ

नापी कार्यालय नवलपरासी (बर्दघाट सुस्ता पश्चिम) का अमिन गोविन्द ढकाल घुस रकमसहित रंगेहात पक्राउ परेका छन् ।

अख्तियार दुरूपयोग अनुसन्धान आयोगका अनुसार अमिन ढकाललाई चार हजार रूपैयाँ घुससहित उनकै कार्यकक्षबाट पक्राउ गरिएको हो ।

प्रवक्ता नरहरि घिमिरेका अनुसार जग्गा नापजाँच गरी लालपुर्जा दिन सेवाग्राहीसँग रकम माग गरिरहेको उजुरीपछि आयोगको कार्यालय, बुटवलबाट खटिएको टोलीले उनलाई पक्राउ गरेको हो ।

आयोगले अमिन ढकालविरूद्ध थप अनुसन्धान भइरहेको जनाएको छ ।