प्रिन्सिपल स्वर्णकारकाे हत्यामा संलग्न ‘सार्प सुटर’ लाई गोली हानेर समात्याे प्रहरीले

बारा प्रहरीले गएराति एकजना भारतीय ‘सार्प सुटर’ लाई गोली हानेर नियन्त्रणमा लिएको छ। जिल्ला प्रहरी कार्यालय बाराका अनुसार भारतको मोतिहारी घर भएका २५ वर्षीय सुजितकुमार सिंहलाई बाराको बिश्रामपुरबाट पक्राउ गरिएको हो ।

उनीमाथि हत्याका विभिन्न अभियोग रहेको प्रहरीले जनाएको छ। यस्तै पक्राउ परेका सिंह बाराको बाल एकता बोर्डिङका प्रिन्सिपल रूपेश स्वर्णकारको हत्यामा पनि संलग्न रहेका छन्।

मंगलबार राति आठ बजे विश्रामपुर गाँउपालिका-३ मा खुट्टामा गोली हानेर प्रहरीले उनलाई पक्राउ गरेको हो । पक्राउ गर्न लाग्दा भागेपछि गोली प्रहार गर्नुपरेको प्रहरीले जनाएको छ ।

उनका साथबाट प्रहरीले एक थान पेस्तोल र पाँच राउण्ड गोलीसमेत बरामद गरेको छ।