पोखरामा लागुऔषधसहित बालक पक्राउ
२ पुष २०८० २०:०४
कास्कीमा अवैध लागुऔषधसहित एक जना बालक पक्राउ परेका छन्।
आइतबार वडा प्रहरी कार्यालय गगनगौडाबाट खटिएको प्रहरी टोलीले पोखरा महानगरपालिका-३०, पावरहाउस चोकमा सवारी साधन चेकजाँच गर्ने क्रममा पोखरातर्फ जाँदै गरेको बसमा सवार बालकका साथबाट लागुऔषध बरामद गरेकाे हो।
बाराकाे सिम्रौनगढ नगरपालिका-८ का १७ वर्षीय बालक लागुऔषधसहित पक्राउ परेका हुन्।
उनको साथबाट डाइजापाम ८० एम्पुल, फेनारगन ७२ एम्पुल र नुर्फिन ७७ एम्पुल, नाइट्रोभ्याट ५७० चक्की र बरामद भएको जिल्ला प्रहरी कार्यालय, कास्कीले जनाएको छ।
पक्राउ परेका बालकविरूद्ध कास्की जिल्ला अदालतबाट लागुऔषधसम्बन्धी मुद्दामा चार दिनको म्याद लिएर प्रहरीले अनुसन्धान गरिरहेको छ।
प्रतिक्रिया