सिरहामा स्राेत नखुलेकाे ८ लाख रूपैयाँसहित एक जना पक्राउ
१७ मंसिर २०८० १५:०६
सिरहामा स्रोत नखुलेको ८ लाख रूपैयाँसहित एक जना पक्राउ परेका छन् । सिरहा जिल्लाको बरियारपट्टी गाउँपालिका-३, चमारटोलस्थित सीमा इलाकाबाट मंसिर शनिबार उनी पक्राउ परेका हुन् ।
सोही जिल्लाको बरियारपट्टी गाउँपालिका-२, श्रीपुर बस्ने ४२ वर्षीय महोमद फिरोजलाई बीओपी बरियारपट्टीले पक्राउ गरेको हो ।
भारतबाट साइकलमा नेपालतर्फ आउँदै गरेका उनलाई गस्तीमा खटिएको सुरक्षा फौजले जाँच गर्दा उनको साथमा १ हजार दरका ४ सय ९६ वटा, ५ सय दरका ६ सय ३ वटा र १ सय दरको २५ वटा नेपाली नोट फेला परेको हो ।
उनले सो रकम कहाँबाट कुन प्रयोजनका लागि लिएको भन्ने स्रोत खुलाउन सकेका छैनन् ।
पक्राउ परेका फिरोजलाई बरामद रकम तथा साइकलसहित आवश्यक कारबाहीका लागि भन्सार कार्यालय मार्डरमा बुझाइएको छ ।
प्रतिक्रिया