दार्चुलामा गाउँपालिका अध्यक्ष सवार गाडी दुर्घटना
३० कार्तिक २०८० १५:१०
दार्चुलाको नौगाड गाउँपालिका अध्यक्ष दलजितसिंह धामी सवार जीप दुर्घटना भएको छ ।
नौगाड-२, सुण्डमुण्डबाट होपरिगाडतर्फ गइरहेको प्रदेश नं. ३-०२२ च ५१२९ नम्बरको बोलेरो जीप नौगाड-३, बगडस्थित जामिरमा आज दिउँसो दुर्घटनामा परेको हो ।
दुर्घटनामा परी चालक जयभानसिंह ठगुन्ना गम्भीर घाइते भएका छन् भने गाउँपालिका अध्यक्ष धामीलाई सामान्य चोट लागेको जिल्ला प्रहरी कार्यालय दार्चुलाका प्रहरी निरीक्षक ज्ञानेन्द्रबहादुर सिंहले जानकारी दिए ।
उनका अनुसार घाइते दुवै जनालाई उपचारका लागि धनगढी लगिएको छ ।
उक्त जीप नौगाड गाउँपालिकाले भाडामा लिएको जनाइएको छ ।
प्रतिक्रिया