सिन्धुली कारागारमा एक कैदी बन्दीको मृत्यु

सिन्धुलीको कारागार कार्यालयमा एक कैदी बन्दीको मृत्यु भएको छ। मृत्यु हुनेमा सिन्धुलीको दुधौली नगरपालिका-१० का ३० वर्षीय विमल थापा रहेका छन्। उनलाई सवारी ज्यान मुद्दामा पुर्पक्षका लागि असोज १७ गतेदेखि थुनामा राखिएको थियो ।

हिजो कारागारमै तिहार मनाएर देउसी खेलिसेकपछि खाना खाएर सुतेका विमल आज बिहान ३ बजे बेहोस अवस्थामा फेला परेका सिन्धुलीका डिएसपी चिरञ्जीवी दाहालले बताए ।

उनलाई तत्काल उपचारका लागि सिन्धुली जिल्ला अस्पताल लगिएकोमा चिकित्सकले मृत्यु भएको घोषणा गरेका थिए । उनको मृत्युको कारण भने खुलेको छैन। कारागारमा झगडा भएको भन्ने रिपोर्ट पनि नआएको र बुधबार उनी सकुशल नै सुतेको डिएसपी दाहालले जानकारी दिए।

विमलको शव पोष्टमर्टमका लागि जिल्ला अस्पतालमा राखिएको छ। घटनाबारे अनुसन्धान भइरहेको र पोष्टमर्टम रिपोर्ट आएपछि मृत्युको कारण थाहा हुने डिएसपी दाहालले जानकारी दिए।