के गर्दैछन् जाजरकोट पुगेका राष्ट्रपति पौडेल ?
२१ कार्तिक २०८० १४:४९
राष्ट्रपति रामचन्द्र पौडेल निर्धारित युरोप भ्रमण स्थगित गरेर भूकम्प प्रभावित क्षेत्र जाजरकोट पुगेका छन् ।
राष्ट्रपति पौडेलले जाजरकोट अस्पताल पुगेर घाइतेहरूको अवस्थाबारे जानकारी लिएका छन् ।
घाइतेहरूले उपचार, खाद्यन्न, घर निर्माणसहित बाँच्ने आधारको व्यवस्था गरिदिन राष्ट्रपति पौडेलसँग आग्रह गरेका थिए ।
उनले भुकम्प प्रभावितहरूलाई आवश्यक बसोबास, खाद्यन्नलगायत सबै कुराको प्रवन्ध हुने र त्यसका लागि आफुले सरकारसँग कुरा गर्ने बताएको राष्ट्रपतिका प्रेस सल्लाहकार किरण पोखरेलले जानकारी दिए ।
‘तपाईहरूका लागि अल्पकालिन र दीर्घकालिन आवश्यकताको पहिचान गरी सोको व्यवस्था हुन्छ । चिन्ता गर्न पर्दैन । म सरकारसँग कुरा गर्छु ।’, राष्ट्रपति पौडेलको भनाईलाई सल्लाहकार पोखरेलले सुनाए ।
भ्रमणका समय जाजरकोटका प्रमुख जिल्ला अधिकारी सुरेश सुनारले भुकम्पबाट भएको क्षतिका बारेमा जानकारी गराएका थिए भने घाइतेहरूको अवस्थाका बारेमा जिल्ला अस्पतालका चिकित्सकहरूले जानकारी गराएका थिए ।
गत शुक्रबार राति गएको भूकम्पबाट प्रभावित नागरिकहरुको अवस्था बुझ्न राष्ट्रपति पौडेल सुर्खेतबाट जाजरकोट पुगेका हुन् ।
भूकम्प प्रभावितसँग राष्ट्रपति रामचन्द्र पौडेल #pardafas #epardafas #EarthquakeRelief #JajarkotVisit #earthquake #earthquakenepal #Nepal #death #NepalDisaster #Jajarkot #jajarkotearthquake #president #RamChandraPoudel @OOP_Nepal pic.twitter.com/SB71ZDsQsi
— pardafas.com (@EPARDAFAS) November 7, 2023
राष्ट्रपतिका प्रेस सल्लाहकार किरण पोखरेलका अनुसार राष्ट्रपति पौडेल सदरमुकाम खलङ्गा, रामीडाँडा, नलगाड तथा रुकुम पश्चिमको आठविसकोट पुगेर भूकम्पबाट प्रभावितको राहत र उद्दारको अवस्थाका बारेमा जानकारी लिनेछन् ।
राष्ट्रपति पौडेलका साथमा उपप्रधान एवम् रक्षामन्त्री पुर्णबहादुर खड्का, शक्ति बस्नेत, कांग्रेस नेता सुनिलबहादुर थापा र जाजरकोटका प्रदेश सांसद तथा प्रधानसेनापति प्रभुराम शर्मा सहभागी छन् ।
प्रतिक्रिया