जाजरकोट भूकम्पमा मृत्यु हुनेको संख्या १५७ नभई १५३
२० कार्तिक २०८० १३:४४
जाजरकोट भूकम्पमा मृत्यु हुनेको संख्या यसअघि सार्वजनिक तथ्यांकभन्दा कम देखिएको छ ।
मृतकमध्ये केहीको नाम दोहोरिएको पाइएपछि सरकारले यसअघि सार्वजनिक तथ्यांक सच्याएको छ ।
अद्यावधिक तथ्यांकअनुसार मृतकको संख्या १५३ रहेको छ । यसअघि मृतक संख्या १५७ भनिएको थियो ।
एउटै व्यक्तिका फरकफरक नाम भएकाले दोहोरो टिपिएको पाइएको र अहिले सच्याइएको प्रधानमन्त्रीको सचिवालयले जनाएको छ ।
मृतकमध्ये १०१ जना जाजरकोटका छन् । तीमध्ये ५६ महिला र ४५ पुरूष छन् ।
यस्तै रूकुम पश्चिमका ५२ मृतकमध्ये २७ महिला र २५ पुरूष छन् ।
सरकारी विवरणअनुसार ३३८ जना घाइते भएकामा ९५ जना विभिन्न अस्पतालमा उपचाररत छन् । घाइतेमध्ये ८ जनाको अवस्था गम्भीर छ ।
२४३ जना डिस्चार्ज भएका छन ।
गत शुक्रबार राति ११:४७ मा जाजरकोटको रामीडाँडा केन्द्रबिन्दु भएर गएको भूकम्पले करिब ४ हजार घर भत्किएका छन् ।
सम्बन्धित समाचार
प्रतिक्रिया