जाजरकोट भूकम्पपछि १५९ परकम्प

जाजरकोटलाई केन्द्रबिन्दु बनाएर गएको ६.४ म्याग्निच्युडको भूकम्पपछि १५९ वटा परकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ । शुक्रबार राति ११ बजेर ४७ मिनेटमा पहिलो भूकम्प गएको थियो ।

भूकम्पविद् मुकुन्द भट्टराईले शनिबार बिहान १० बजेर १५ मिनेटसम्म परकम्प गएको पुष्टि गरेका छन् । ठूला भूकम्पपछिका परकम्पहरूको सही अवधि अनुमान गर्न गाह्रो भएता पनि सामान्यतया साना भूकम्पीय कम्पनहरू वर्षौंसम्म रहने सक्ने उनले बताए ।

इपिसेन्टर क्षेत्रमा भूकम्पीय गतिविधि क्रमशः पहिलेको अवस्थामा नआएसम्म जारी रहने उनको भनाइ छ ।