बारामा निजी विद्यालयका प्रधानाध्यापकको गोली हानी हत्या

बारामा निजी विद्यालयका एक जना प्रधानाध्यापकको गोली हानेर हत्या भएको छ।

कलैयास्थित बाल एकता इंग्लिश बोर्डिङ स्कुलका प्रिन्सिपल रूपेश सरार्फ (गुड्डु) को सोमबार दिउँसो अज्ञात समूहको गोली प्रहारबाट मृत्यु भएको हो।

प्रहरीका अनुसार २ वटा मोटरसाइकलमा आएका ४ जनाको समूहले कलैया-६, मदर्शा टोलमा दिउँसो करिब सवा १ बजेतिर सर्राफमाथि गोली प्रहार गरेका थिए।

गोली लागेर गम्भीर घाइते भएका सर्राफको वीरगञ्जस्थित बयोधा अस्पतालमा उपचारको क्रममा मृत्यु भएको हो।

बयोधा अस्पतालले दिएको जानकारीअनुसार मृतक सरार्फलाई ४ वटा गोली लागेको छ।