सुनको मूल्यमा नयाँ रेकर्ड, ताेलाकाे कति ?

काठमाडौं । सुनको मूल्यले नयाँ रेकर्ड बनाएको छ । नेपाल सुनचाँदी व्यवसायी महासंघका अनुसार शुक्रबार तोलामा पाँच सय रुपैयाँले बढेर सुनको मुल्यमा नयाँ रेकर्ड कायम भएको हो ।

आज छापावाल सुन तोलामा एक लाख १६ हजार रुपैयाँमा कारोबार भइरहेको छ । यसअघि कात्तिक ३ गते तोलामा एक लाख १५ हजार ५०० रुपैयाँमा कारोबार हुँदै नयाँ रेकर्ड बनाएको थियो । उक्त रेकर्ड तोड्दै आज नयाँ रेकर्ड कायम भएको हो ।

यस्तै आज तेजाबी सुन तोलामा एक लाख १५ हजार ४५० रुपैयाँमा कारोबार भइरहेको छ ।

यता चाँदीको भाउ भने स्थिर रहेको छ । शुक्रबार चाँदी तोलामा एक हजार ४०० रुपैयाँमा कारोबार भइरहेको छ ।