चिनियाँ रक्षामन्त्री जनरल लि साङ्फु बर्खास्त

चिनियाँ रक्षामन्त्री जनरल लि साङ्फुलाई बर्खास्त गरिएको छ । लिलाई के कारणले बर्खास्त गरिएको हो भन्नेबारे केही खुलाइएको छैन । उनी दुई महिनादेखि सार्वजनिकरूपमा देखिएका थिएनन् । चिनियाँ सरकारी च्यानल सीसीटीभीले बर्खास्तीको समाचार सार्वजनिक गरेको छ ।

यसअघि पनि तत्कालीन विदेशमन्त्री छिङ काङ बर्खास्तीमा परेका थिए । बर्खास्तीमा परेका दुवै जनाको स्टेट काउन्सिलको सदस्यता पनि खारेज गरिएको छ । अन्तर्राष्ट्रिय समाचार संस्था रोयटर्सका अनुसार लिमाथि भ्रस्टाचारको अभियोगमा अनुसन्धान भइरहेको थियो । उनी गत अगस्ट २९ तारिकदेखि सार्वजनिक रुपमा देखिएका थिएनन् ।