इजरायलको बंकरमा रहेका नेपाली विद्यार्थीसँग प्रधानमन्त्रीले गरे संवाद
२२ असोज २०८० १५:५८
प्रधानमन्त्री पुष्पकमल दाहाल ‘प्रचण्ड’ ले इजरायलको एक बंकरमा ज्यान जोगाएर बसिरहेका नेपाली विद्यार्थीसँग भर्चुअल कुराकानी गरेका छन् ।
प्रधानमन्त्रीको सचिवालयले उपलब्ध गराएको भिडियोमा प्रधानमन्त्री प्रचण्डले मन्त्रिपरिषद्, सर्वदलिय बैठक बोलाएर सकुशल नेपाल फर्काउन आवश्यक पहल गरिरहेको बताए ।
‘सिक्दै कमाउँदै’ कार्यक्रमअन्तर्गत सुदुरपश्चिम विश्वविद्यालयबाट इजरायल गएका ४९ जना विद्यार्थीहरूको टोली प्रमुख विपिन सुवेदीसँग मेसेन्जरबाट भिडियो संवाद गर्दै उनले सरकारले चाँडै उद्धार गर्ने बताए ।
उनले भने ‘मन्त्रिपरिषद् बैठक पनि बोलाइएको छ । सर्वदलिय बैठक पनि बोलाइएको छ । इजरायली राजदुतावासमा पनि कुरा भइहरेको छ । सायद अहिले परराष्ट्रमन्त्रीस्तरमा पनि कुरा होला । यो सबै चाँहि तपाईंले त्याँ विद्यार्थीहरूलाई कम्युनिकेट गर्दिनु पर्यो । ’
अहिले बंकरमा रहेका सुवेदीले आफूले इजरायलमा रहेका नेपालीलाई नेपालको पछिल्लो तयारीलगायतका विषयमा जानकारी गराएको बताए ।
प्रतिक्रिया