क्रिकेटर कुशल, रोहित र दीपेन्द्र बने एफवान सफ्ट ग्रुपकाे ब्रान्ड एन्डोर्सर
१९ असोज २०८० १७:००
राष्ट्रिय क्रिकेट खेलाडीहरू कुशल भुर्तेल, रोहितकुमार पौडेल र दीपेन्द्रसिंह ऐरी एफवान सफ्ट ग्रुपको ब्रान्ड एन्डोर्सरमा आबद्ध भएका छन् ।
एफवान सफ्ट ग्रुपका सहायक कम्पनीहरू फोनपे, ईसेवा र ईसेवा मनी ट्रान्सफरले क्रमशः कुशल भुर्तेल, रोहितकुमार पौडेल र दीपेन्द्रसिंह ऐरीसँग सम्झौता गरेको हो।
बिहीबार एफवान सफ्ट ग्रुपका निर्देशक सुवास शर्मा, ईसेवाका चिफ बिजनेस अफिसर आशिष गौतम, ईसेवा मनी ट्रान्सफरका बिजनेस अपरेसन म्यानेजर सुमित भण्डारी र फोनपेका चिफ बिजनेस अफिसर सुमित दासको उपस्थितिमा खेलाडीहरूसँग सम्झौतामा हस्ताक्षर भएको छ ।
साझेदारीसँगै एफवान सफ्ट ग्रुपले नेपालको क्रिकेट खेलमा जीवन समर्पण गरेका खेलाडीलाई भरपुर साथ दिने लक्ष्य राखेको जनाएको छ ।
एफवान सफ्ट ग्रुपका निर्देशक शर्माले राष्ट्रिय नायकहरूसँग जोडिन पाउँदा गर्व महसुस भएको बताएका छन् । ‘यस साझेदारीको प्राथमिक उद्देश्य हाम्रो क्रिकेट प्रतिभालाई अटल समर्थन प्रदान गर्नु र खेलाडीको व्यक्तिगत र व्यावसायिक विकासमा सहयोग गर्नु हो,’ उनले भने ।
प्रतिक्रिया