राष्ट्र बैंकले ल्यायाे २० रूपैयाँको नयाँ नोट, यस्ता छन् विशेषता
१९ असोज २०८० १४:१९
नेपाल राष्ट्र बैंकले २० रूपैयाँको नयाँ नोट बजारमा ल्याएको छ। साविककै आकार र रङमा ल्याइएको नोट आजदेखि चलनचल्तीमा आएको हो।
राष्ट्रय २० रूपैयाँ दरका ९ लाख ९९ हजार ९९९ वटा नयाँ नोट बजारमा ल्याएको हो।
यो नोटको अगाडिको बायाँतर्फ सगरमाथा, दायाँतर्फ लालीगुराँसको पानी छाप, गभर्नर महाप्रसाद अधिकारीको हस्ताक्षर र बोर्डरमा नोटको सिरिज नम्बर र नेपालीमा वि.सं. २०७९ लेखिएको छ।
नोटको पछाडिको भागमा अंग्रेजीमा नेपाल राष्ट्र बैंक, बीचमा २ वटा बाह्रसिंगेको चित्र, तल्लो भागमा अंग्रेजीमा २० रूपैयाँ र तल्लो भागको बोर्डरमा नोटको सिरिज अंग्रेजीमा २०२३ एडी लेखिएको छ।
प्रतिक्रिया