तोलामा १,३०० रूपैयाँले घट्यो सुनको मूल्य

नेपाल सुनचाँदी व्यवसायी महासंघले आज सुनको मूल्य तोलामा १ हजार ३०० रूपैयाँले घटेको जानकारी दिएको छ।

आज छापावाल सुनको मूल्य तोलामा १ लाख ६ हजार ६०० रूपैयाँ र तेजाबी सुनको मूल्य प्रतितोला १ लाख ६ हजार १०० रूपैयाँ तय भएको छ।

हिजो छापावाल सुन तोलाको १ लाख ७ हजार ९०० र तेजाबी सुन तोलाको १ लाख ७ हजार ४०० रूपैयाँमा कारोबार भएको थियो।

यस्तै आज चाँदीको मूल्यमा समेत गिरावट आएको छ। आज तोलामा ३० रूपैयाँले मूल्य घटेर प्रतितोला १३ सय १० रूपैयाँ कायम भएको छ। सोमबार चाँदी तोलाको १३ सय ४० रूपैयाँले कारोबार भएको थियो।