वीरगञ्जमा अनधिकृत रूपमा भण्डारण गरेर राखिएको २,३२५ किलो केराउ बरामद
१५ असोज २०८० १८:५४
जिल्ला प्रहरी कार्यालय पर्साले अनधिकृत रूपमा भण्डारण गरेर राखिएको २,३२५ किलो केराउ बरामद गरेको छ।
सोमबार जिल्ला प्रहरी कार्यालयबाट खटिएको प्रहरी टोलीले वीरगञ्ज महानगरपालिका-१६, रेल्वे सडकखण्डमा अजय साहले सञ्चालन गरेको जय माँ गाला किराना स्टोरबाट सो केराउ बरामद गरेको हो।
अनधिकृत रूपमा २५ किलोका दरले ९३ बोरामा भण्डारण गरी राखिएको करिब २ लाख ७९ हजार रूपैयाँ बराबरको केराउ बरामद गरिएको प्रहरीले जनाएको छ।
प्रहरीका अनुसार बरामद केराउ थप अनुसन्धान तथा कारबाहीका लागि वीरगञ्ज भन्सार कार्यालयमा बुझाउने तयारी गरिएको छ।
प्रतिक्रिया