दाङमा डेंगु संक्रमणबाट शिक्षकको मृत्यु

दाङको राप्ती स्वास्थ्य विज्ञान प्रतिष्ठान, घोराहीमा एक शिक्षकको डेङ्गु सङ्क्रमणबाट मृत्यु भएको छ।

रोल्पा माडी गाउँपालिका-२, घर्तीगाउँ का ५१ वर्षीय यज्ञबहादुर डाँगीको मृत्यु भएको प्रतिष्ठानका सूचना अधिकारी निशान भट्टराईले जानकारी दिए।

डाँगीलाई केही समयअघिदेखि स्वास्थ्यमा समस्या देखिए पनि प्रतिष्ठानमा भने आइतबार साँझ उपचारका लागि लगिएको थियो।

उनको उपचारकै क्रममा आज बिहान मृत्यु भएको सूचना अधिकारी भट्टराईले भनाइ छ।

डाँगीले श्रीकृष्ण माध्यमिक विद्यालय घर्तीगाउँमा अध्यापन गराउँदै आएका थिए।