काठमाडौंको गैह्रीगाउँमा चार जनाको हत्या, एक जना पक्राउ
३० भदौ २०८० ८:०१
सांकेतिक फाइल तस्बिर।
काठमाडौंको गैह्रीगाउँमा एकै परिवारका तीनसहित चार जनाको हत्या भएको छ । प्रहरीले घटनामा संलग्न रहेको आशंकामा एकजनालाई पक्राउ गरेको छ । घटना शुक्रबार रातीको हो ।
काठमाडौंको गैह्रीगाउँस्थित दिव्य सःमिलमा शुक्रबार राति चार जनाको हत्या भएको थियो । प्रहरीले अनुसन्धानका लागि घटनामा संलग्न भएको आशंकामा २८ वर्षीय दीपेन्द्र राईलाई नियन्त्रणमा लिएको छ ।
उनलाई कपडा र जुत्तामा रगत लागेको अवस्थामा प्रहरीले नियन्त्रणमा लिएको हो । उनले मदिरा सेवन गरेको प्रहरीले जनाएको छ ।
प्रहरीका अनुसार धारिलो हतियार प्रहार गरेर दोलखा घर भएका करिब ५५ वर्षीय कुमार भुजेल, उनकी श्रीमती शुभद्र वाइवा र कुमारकी आमा करिब ७० वर्षीया सुमित्रा भुजेल र मोरङ घर भएका करिब १९ वर्षीय नवीन राईको हत्या भएको हो ।
चारै जना सोही सःमिलमा कार्यरत हुन् । उनीहरूको शरीरका विभिन्न ठाउँमा धारिलो हतियार प्रहारकाे गहिरो चोट छ ।
प्रतिक्रिया