घट्यो सुन-चाँदीकाे भाउ, कतिमा हुँदैछ किनबेच?

सुनचाँदी बजारमा आज छापावाल सुनको मूल्य प्रतितोला तीन सय रूपैयाँले घटेको छ। अघिल्लो दिन प्रतितोला एक लाख १२ हजार आठ सय रूपैयाँमा कारोबार भएको सुनको मूल्य आज प्रतितोला एक लाख १२ हजार पाँच सय रूपैयाँ निर्धारण गरिएको छ।

नेपाल सुनचाँदी व्यवसायी महासङ्घले सार्वजनिक गरेको विवरणअनुसार आज तेजाबी सुनको मूल्य प्रतितोला एक लाख ११ हजार नौ सय ५० रूपैयाँ छ। यसको मूल्य अघिल्लो दिन एक लाख १२ हजार दुई सय ५० रूपैयाँ थियो।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला १० रूपैयाँले घटेर एक हजार चार सय ७० रूपैयाँ कायम भएकाे महासङ्घले जनाएको छ।

महासङ्घले अन्तर्राष्ट्रिय बजारमा हुने सुन तथा चाँदीको कारोबार मूल्यका तुलनामा यहाँ दैनिक कारोबार मूल्य तोक्दै आएको छ।