सरकार फेर्ने र ढाल्ने कुरा भएको छैन : रमेश लेखक
२८ साउन २०८० २०:३२
नेपाली कांग्रेसका प्रमुख सचेतक रमेश लेखकले पार्टीभित्र सरकार फेरबदलबारे कुनै कुरा नभएको बताएका छन् ।
शुक्रबारदेखि जारी संसदीय दलको बैठकपछि आइतबार पत्रकारहरूसँग बोल्दै उनले अहिले कांग्रेस सरकार फेरबदलको पक्षमा नरहेको बताएका हुन् ।
‘अहिले हामीबीच सरकार बदल्ने, फेर्ने र ढाल्ने कुरा भएको छैन,’ उनले भने, ‘भोलि सम्पन्न हुने संसदीय दलको बैठकबाट केही महत्त्वपूर्ण निर्णय हुन सक्छ ।’ तीनमा सरकार फेरबदलको विषय नपर्ने उनको भनाइ छ ।
उनले शुक्रबार र आइतबार गरेर दलको बैठकमा अहिलेसम्म ५० जना सांसदहरूले बोलिसकेको बताएका उनले भोलिको बैठकले केही महत्त्वपूर्ण कुरा पारित गर्ने बताए ।
सम्बन्धित समाचार
प्रतिक्रिया