अधिकारकर्मी सरस्वती नेपालीलाई अमेरिकाको ‘जीएआरसी’ अवार्ड
२५ साउन २०८० ७:१८
नेपालका लागि अमेरिकी राजदूत डीन आर थम्पसन साथमा अधिकारकर्मी सरस्वती नेपाली । तस्विर सौजन्य राजदूत थम्प्सनको ट्वीटर ।
सिमान्तकृत समुदायको अधिकारका लागि वकालत गर्दै आएकी सरस्वती नेपालीले संयुक्तराज्य अमेरिकाको डिपार्टमेन्ट अफ स्टेटको यस वर्षको ‘ग्लोबल एन्टी–रेसिज्म च्याम्पियन्स अवार्ड’ (जिएआरसी) प्राप्त गरेकी छन् ।
बीस वर्षदेखि नेपालमा सिमान्तकृत जाति, अपाङ्गभएका व्यक्ति र गरिबहरूको मानवअधिकारको वकालत गर्दै आएकी सामाजिक कार्यकर्ता र दलित समाज विकास मञ्चको अध्यक्षका रूपमा उनले सो अवार्ड प्राप्त गरेको अमेरिकी दूतावासले बुधवार जनाएको छ ।
उनको प्रयासले नेपालको ग्रामीण पश्चिमी जिल्लाका धेरै दलित परिवारले जग्गाको कानुनी हक र न्याय पाएका छन् ।
अध्यक्ष नेपालीले सन् २००७ मा नेपालको इतिहासमा जातीय भेदभावको पहिलो सफल अभियोजनसहित न्यायको खोजीमा थुप्रै जातीय भेदभावविरुद्धको मुद्दाहरू जितेकी थिइन् । सम्मान र समानताको खोजीमा उनको योगदान साहस र समर्पणको उदाहरण हो ।
प्रतिक्रिया