दार्चुलामा चरेससहित दुई जना पक्राउ
२२ साउन २०८० १६:४३
जिल्ला प्रहरी कार्यलय, दार्चुला। फाइल तस्बिर
दार्चुलामा चरेससहित दुई जना पक्राउ परेका छन् । पक्राउ पर्नेमा महाकाली नगरपालिका-४, खलङ्गाका ६६ वर्षीय मानसिंह ठगुन्ना र नौगाड गाउँपालिका-४, सिप्टीका ७० वर्षीय गौरसिंह ठगुन्ना रहेका छन् ।
जिल्ला प्रहरी कार्यालयका प्रहरी निरीक्षक तथा सूचना अधिकारी ज्ञानेन्द्रबहादुर सिंहका अनुसार दुवै जना गएराति शैल्यशिखर नगरपालिकाको कर्कलेबाट पक्राउ परेका हुन् । उनीहरूको साथबाट प्रहरीले छ किलो एक सय ग्राम चरेस बरामद गरेको छ ।
इलाका प्रहरी कार्यालय, गोकुलेश्वरबाट प्रहरी निरीक्षक वीरेन्द्र थापा नेतृत्वको टोलीले उनीहरूलाई पक्राउ गरेको हो ।
प्रतिक्रिया