खाेसाखाेस गर्दा भुइँमा खसेर बिते दुई महिने छाेरा, आमाबाबु पक्राउ
२२ साउन २०८० ११:४४
बागलुङमा दुई महिनाको नाबालकको हत्या आरोपमा आमाबुबा पक्राउ परेका छन्।
पक्राउ पर्नेमा निसीखोला गाउँपालिका-४, बडाचौरका २४ वर्षीय विरू विक र ३० वर्षीया सविना रहेका जिल्ला प्रहरी कार्यालय बागलुङका सूचना अधिकारी तथा प्रहरी नायव उपरीक्षक मदन केसीले जानकारी दिए।
यही साउन १८ गते बिहीबार राति विक दम्पतीबीच विवाद हुँदा बालकलाई खोसाखोस/तानातान गर्ने क्रममा आफ्नै घरभित्र भुइँमा खसी बजारिएपछि घटनास्थलमै बालकको मृत्यु भएको बताइएको छ।
प्रहरीले घटनाको विषयमा तीन दिनपछि मात्रै जानकारी पाएको थियो। त्यसलगत्तै प्रहरीले हत्या आरोपमा प्रहरीले विक दम्पतीलाई पक्राउ गरी अनुसन्धान अगाडि बढाएको छ।
प्रहरीले जिल्ला अदालत बागलुङमा आइतबार ज्यानसम्बन्धी कसुरमा मुद्दा दर्ता गरेर पाँच दिनको म्याद थप गरी अनुसन्धान थालेको छ।
सम्बन्धित समाचार
प्रतिक्रिया