सशस्त्र प्रहरीका ६ जना इन्स्पेक्टरको डीएसपीमा बढुवा
१२ साउन २०८० १६:४८
सशस्त्र प्रहरी बल, नेपालका ६ जना प्रहरी निरीक्षक (इन्स्पेक्टर) हरूको प्रहरी नायब उपरीक्षक (डीएसपी) मा बढुवा भएको छ।
साधारण समूह, लेखा उपसमूहतर्फ पाँच र कानून उपसमूहतर्फ एक गरी ६ जना इन्स्पेक्टरकाे डीएसपीमा बढुवा भएको हो।
गृह मन्त्रालयका सचिवस्तरको बिहीबारको निर्णयअनुसार उनीहरूको बढुवा भएको हो।
लेखा उपसमूहतर्फ प्रमोदबाबु थापा, तुलसिंह केसी, सन्तोषकुमार चन्द, दिवाकर राउत र राजेशकुमार सिंहको तथा कानून उपसमूहतर्फ सत्यदेवी बस्नेतको इन्स्पेक्टरबाट डीएसपीमा बढुवा भएको हो।
बढुवा समितिको गत ३१ असारको बैठकले उनीहरूको बढुवा सिफारिस गरेको थियो।
प्रतिक्रिया