पर्दामा ‘कमब्याक’ गर्दै आमिर खान

बलिउड अभिनेता आमिर खान फिल्म ‘लाल सिंह चड्ढा’ फ्लप भएपछि फिल्म जगतबाट टाढा छन्। आमिर खानको उक्त फिल्म बक्स अफिसमा नराम्रोसँग फ्लप भएकाे थियाे। त्यसपछि आमिर खानले फिल्म जगतबाट ब्रेक लिने निर्णय गरेका थिए।

तर, आमिर खानका फ्यानहरू चाहन्छन् कि उनले ठूलो पर्दामा कमब्याक गरून् र फेरि एक पटक धमाका मच्चाऊन्। हालै आमिर खानको फिल्म ‘थ्री इडियट्स’ को दोस्रो भागसँग सम्बन्धित केही खबरहरू बाहिर आएका थिए।

बलिउडका चर्चित अभिनेतामध्ये एक आमिर खानले फिल्मी जगतबाट ब्रेक लिएपछि उनका फ्यानहरू उनको पुनरागमनको प्रतीक्षामा छन्। आमिर खानले ‘लाल सिंह चड्ढा’ पछि कुनै पनि फिल्ममा काम गरेका छैनन्। अहिले आमिर खानको नाम बायोपिकसँग जोडिएको छ।

पिंकभिल्लाको रिपोर्टका अनुसार आमिर खान र राजकुमार हिरानी फिल्ममा फेरि सँगै काम गर्न लागेका छन्। यो बायोपिक हुनेछ। रिपोर्टमा भनिएको छ कि आमिर खानले यस प्रोजेक्टमा रूचि देखाएका छन्। रिपोर्टमा थप भनिएको छ कि यो बायोपिकको सुटिङ अर्को वर्ष अर्थात् सन् २०२४ देखि सुरू हुनेछ। राजकुमार हिरानी हाल शाहरूख खानको फिल्म ‘डंकी’ को सुटिङमा व्यस्त छन्।

आमिर खान र राजकुमार हिरानीको जोडी बक्स अफिसमा हिट साबित भएको छ। आमिर खान र राजकुमार हिरानीले पहिलो पटक सन् २००९ मा ‘थ्री इडियट्स’ मा सँगै काम गरेका थिए। त्यसपछि दुवैको जोडी फिल्म ‘पीके’ मा सँगै देखियो। यी दुवै चलचित्रले बक्स अफिसमा बम्पर कमाउन सफल भएका थिए।