पहिरोले दर्जनौं सडक अवरूद्ध
१५ असार २०८० ११:४३
अविरल वर्षाले कालीगण्डकी करिडोर सडकखण्डअन्तर्गत पाल्पाको रम्भा गाउँपालिका वडा नं. २ र ३ को सिमानामा रहेको सहर्दीखोला पुलनजिकै खसेको पहिरोले अवरूद्ध भएको सडक। सडक अवरूद्ध हुँदा करिडोर भएर आवतजावत गर्ने यात्रु तथा सवारी साधनलाई समस्या भएको छ। तस्बिर : सुशीला रेग्मी/रासस
निरन्तरको वर्षापछि गएको पहिरोले देशका विभिन्न स्थानमा दर्जनौं सडक अवरूद्ध भएका छन्।
कतिपय स्थानमा बिहीबारदेखि नै अवरूद्ध सडक हालसम्म खुल्न सकेका छैनन् भने पहिरो गएर थप सडकहरू पनि अवरूद्ध भइरहेका हुन्।
नेपाल प्रहरीका अनुसार अवरूद्ध सडकहरू प्रहरी परिचालन गरेर खुलाउने प्रयास भइरहेको छ।
आज पनि देशका केही भूभागमा भारी वर्षाको सम्भावना रहेको मौसम पूर्वानुमान महाशाखाले जनाएको छ।
मनसुन भित्रिएसँगै भइरहेको भारी वर्षाले पूर्वी नेपालसहित देशका विभिन्न स्थानमा बाढी-पहिरोले वितण्डा मच्चाएको छ जसमा मानवीयसँगै भौतिक क्षति पनि भएको छ।
कहाँ-कहाँ छ सडक अवरूद्ध? (बिहान १०:३० बजेसम्म)
कोशी प्रदेशः
पाँचथरः फिदिम न.पा.४ , तमोर करिडोर सडकखण्ड
पाँचथरः फिदिम न.पा.४ र हिलिहाङ गा.पा.७, मेचि राजमार्ग सडकखण्ड
संखुवासभाः धर्मदेवि न.पा.-८, ठूलो अकरको भिर, लेगुवा खाँदबारी सडकखण्ड
बागमती प्रदेशः
चितवनः इच्छाकामना गा.पा.-५ , तिन नं. पुल, नारायणगढ मुग्लिङ सडकखण्ड
दोलखाः गौरीशंकर गा.पा.-८, मन्थली, चरिकोट लामाबगर सडकखण्ड
ललितपुरः ललितपुर म.न.पा.-३, भालुखोला र पाङ्दुर डोल, कान्तिलोक पथमा एकतर्फी खुलेको
गण्डकी प्रदेशः
पर्वतः जलजला गा.पा.-७, केराबारी, बेनी-मालढुङ्गा सडकखण्ड
लुम्बिनी प्रदेशः
पाल्पाः तानसेन न.पा.५, तिनलाँकुरी, पाल्पा-गुल्मी पक्की सडकखण्ड
अर्घाखाँची- शीतगंगा न.पा.२, भुवनपाटा, गोरूसिङ्गे सन्धिखर्क सडकखण्ड
सुदूरपश्चिम प्रदेशः
अछामः बान्निगढीजयगढ गा.पा. ४, कचरेटी खोला, मंगलसेन-साँफे सडकखण्ड
दार्चुलाः शैल्यशिखर न.पा.-६, पनेबाँज र मालिकार्जुन गा.पा.४ तेर्छालेक, गोकुलेश्वर-दार्चुला हाईवे सडकखण्ड
बैतडीः सुर्नया गा.पा.वडा.न.८ आलुगैरा, ज पृथ्वी राजमार्गमा खोडपे बझाङ सडकखण्ड
प्रतिक्रिया