नौ हजार रुपैयाँ घुससहित नेपालगञ्ज उपमहानगरपालिका-१३ का कावा वडाअध्यक्ष पक्राउ
२ असार २०८० ८:४३
नेपालगञ्ज उपमहानगरपालिका–१३ का कार्यवाहक वडाध्यक्ष दिलावर कवडिया नौ हजार रुपैयाँ घुससहित पक्राउ परेका छन् ।
अख्तियार दुरुपयोग अनुसन्धान आयोगको कार्यालय बुटवलले कवडियासँगै कार्यालय सहयोगी गङ्गाराम बृजवासीलाई शुक्रबार नौ हजार रुपैयाँ रकम घुस लिइसकेको अवस्थामा नियन्त्रणमा लिएको हो ।
कृषि अनुदानका लागि सिफारिस गरिदिएवापत सेवाग्राहीसँग घुस माग गरिरहेको भन्ने उजुरी निवेदनका आधारमा घुस रकमसहित वडा कार्यालयबाट नियन्त्रणमा लिइएको आयोगका प्रवक्ता भोला दाहालले जानकारी दिए।
उनका अनुसार दुवै जनालाई नियन्त्रणमा लिई थप अनुसन्धान भइरहेको छ ।
प्रतिक्रिया