प्रधानन्यायाधीशमा सिफारिस कार्कीविरुद्धका उजुरीमाथिको सुनुवाइ जेठ ३२ मा

संसदीय सुनुवाइ समितिले प्रस्तावित प्रधानन्यायाधीश हरिकृष्ण कार्कीको १ असारमा अन्तिम सुनुवाइ गर्ने भएको छ ।

सोमबार बसेको समितिको बैठकमा आउँदो १ असारमा अन्तिम सुनुवाइ गर्ने कार्यतालिका प्रस्तुत गरिएको छ । सिंहदरबारस्थित सार्वजनिक लेखा समितिको भवनमा बसेको सुनुवाइ समितिको बैठकमा कार्कीविरुद्ध परेका उजुरीका विषयमा छलफल भएको छ ।

संवैधानिक परिषद्ले २५ वैशाखमा कार्कीलाई सर्वोच्च अदालतको प्रधानन्यायाधीशमा नियुक्तिका लागि सिफारिस गरेपछि संसदीय सुनुवाइका लागि समितिले १६ जेठमा कार्कीविरुद्ध १० दिन समय दिएर उजुरी आह्वान गरेको थियो । उक्त समयावधिमा कार्कीविरुद्ध २९ उजुरी परेका छन् । ती उजुरी सोमबारको बैठकमा खोलिएको छ ।

योसँगै अब समितिले मंगलबार र बुधबार उजुरीकर्तासँग र बिहीबार कार्कीलाई बोलाएर छलफल गर्ने भएको छ । उक्त कार्यतालिका सोमबारको बैठकमा प्रस्तुत गरिएको छ । प्रधानन्यायाधीशमा प्रस्तावित  कार्की ६५ वर्षे उमेरहदका कारण आउँदो २० साउनदेखि अनिवार्य अवकाश पाउँदै छन् ।

कार्कीविरुद्ध परेका उजुरीमाथिको सुनुवाइ जेठ ३२ गते हुने भएको छ।

कार्कीविरुद्ध २९ वटा उजुरी परेका छन्। संसदीय सुनुवाइ विशेष समितिले बुधबार सबै उजुरीकर्तासँग छलफल गर्ने भएको छ।

त्यसपछि सुनुवाइ गर्ने समितिको तयारी छ।