राष्ट्रिय योजना आयोग खारेज गरौं : उपेन्द्र यादव
१० जेठ २०८० १४:३७
जनता समाजवादी पार्टीका अध्यक्ष उपेन्द्र यादवले राष्ट्रिय योजना आयोग खारेज गर्नुपर्ने बताएका छन्।
बुधबार प्रतिनिधिसभा बैठकमा सरकारको नीति तथा कार्यक्रममाथिको छलफलमा भाग लिँदै अध्यक्ष यादवले राष्ट्रिय योजना आयोग खारेज गर्नुपर्ने माग राखेका हुन्।
उनले राष्ट्रिय योजना आयोगको कुनै काम नभएको उल्लेख गर्दै यसले खर्च मात्रै बढाएको बताए। उनले आयोगको ठाउँमा प्रधानमन्त्रीको आर्थिक सल्लाहकार समिति निर्माण गर्न सुझाव दिए।
अध्यक्ष यादवले नीति तथा कार्यक्रम संघीयता कार्यान्वयन गर्ने गरी नआएको पनि बताए। नीति तथा कार्यक्रले संघीयताविरोधी भाव बोकेको उनको भनाइ छ।
अध्यक्ष यादवले नीति तथा कार्यक्रम शब्द, साहित्य र कल्पनाहरूले भरिपूर्ण भएको टिप्पणी गरे।
सम्बन्धित समाचार
प्रतिक्रिया