वर्षाले रोकिएको नेपाल र यूएईबीचको खेल सुरु

एसीसी प्रिमियर कपअन्तर्गत नेपाल र यूएईबीचको फाइनल खेल पुनः सुरु भएको छ। त्रिवि क्रिकेट मैदान कीर्तिपुरमा वर्षाका कारण केहीबेर रोकिएको खेल अहिले सुरु भएको हो।

आजको खेलमा नेपालले टस जितेर पहिला बलिङ गर्ने निर्णय गरेको थियो। नेपाली बलरले उत्कृष्ट प्रदर्शन गरिरहेका छन्। अहिलेसम्म १६ ओभरको खेल सकिँदा ५ विकेट गुमाएर यूएईले ६० रनमात्र जोड्न सकेको छ।

एसीसी कपको विजेताले एशिया कपमा भारत र पाकिस्तानसँग खेल्न पाउने भएकाले यो खेल निकै महत्त्वपूर्ण छ। आजको खेल हेर्न हजारौं नेपाली समर्थक कीर्तिपुर पुगेका छन्।